Nedstrand bygdemuseum - gamle Stranda skule
Nedstrand bygdemuseum - gamle Stranda skule
Nedstrand - tollboden
Ikon åpningstider Ikon priser Ikon finn veien Ikon bestill omvisning Ikon kontakt

Nedstrand bygdemuseum

Nedstrand Bygdemuseum i Tysvær fortel historia om trelasthandelen i Ryfylkefjordane på 1500- og 1600-talet, om Nedstrand som strandstad og administrasjonssenter for Ryfylke Fogderi og om kvardagslivet i distriktet tidleg på 1900-talet.

Nedstrand bygdemuseum er sett saman av ei rekke separate utstillingar i og rundt Stranda i Nedstrand. Ved tunet til gamle Stranda skule finn vi museet sitt hovudkontor og fleire spanande utstillingar sett saman frå lokale samlingar. På sjølve tunet er bygd eit lite amfi som vert nytta til forteljingar, foredrag og konsertar på fine solskinnsdagar. I eit vernebygg på ferjekaien like i nærleiken er husa eit av landets eldste trebygg, ei restaurert tollbod frå 1549. Denne var m.a. del av ein større tollstasjon, «Ryfylke toldsted», og ein viktig del av den omfattande trevarehandelen som fann stad i området i fleire hundre år.

Museet har òg utstillingar i ungdomshuset på Baustad. «Vatlandsamlinga» er ei omfattande gjenstandssamling etter den entusiastiske samlaren Ommund Vatland. Denne deler hus med «Kirkebøsamlinga», eit komplett lækjarkontor innreidd slik det vart nytta av dr. Jon Kirkebø, distriktslærkjar i Nedstrand 1925-1949. Nedstrand bygdemuseum disponerer elles eit tur- og friluftsområde på Leirå, kor ein kan besøka den gjenreiste Nessaskulen, med interiør frå 1860-talet. Og på Leiranger finn vi restane av muren til det gamle leidangsnaustet til Leiranger skibrede, som har sine røter tilbake i vikingtida.

Ikon åpningstider

Åpningstider

16. juni - 18. august:
sundag: kl.15.00 - 17.00

Ikon priser

Priser

Vaksenbillett: 50,-
Student-/honnørbillett: 30,-
Barn under 18 år: gratis

NB: prisane er rettleiande og kan endrast frå dag til dag.

Ikon kontakt

Kontakt

T: 466 68 894 / 908 85 017

E-post

Finn veien